आईजीपी नियुक्तिविरुद्धको मुद्दा हेर्दाहेर्दामा, अर्को सुनुवाइ असार १९ मा
१३ असार २०७९ १६:४३
प्रहरी महानिरीक्षक नियुक्तिविरुद्धको रिटको सुनुवाइ पुनः सरेको छ ।
सोमबार सरकारको तर्फबाट महान्यायाधिवक्ता खम्मबहादुर खाती र अर्का अधिवक्ता भीमार्जुन आचार्यले बहस गरेका थिए । अर्को सुनुवाइ असार १९ का लागि तोकिएको छ ।
प्रहरी महानिरीक्षक नियुक्तिविरुद्ध एआईजी बिश्वराज पोखरेलले गएको बैशाख २२ गते दर्ता गरेको रिट हेर्दाहेर्दैमा छ ।
जुन रिटको सुनुवाइ कामु प्रधानन्यायाधीश दीपककुमार कार्की र न्यायाधीश कुमार चुडालले गर्दै छन् । सरकारको तर्फबाट बहस गर्दै महान्यायाधीवक्ता खातीले पोखरेल आईजीपीका दाबेदार हुन्, तर उनी उक्त पदका लागि योग्य होइनन् भन्ने तर्क गरेका छन् ।
निवेदक पोखरेलका कानुन व्यवसायीको बहस असार ६ गते सकिसकेपछि आज सरकारको तर्फबाट आईजीपी नियुक्तिको बचाउमा बहस गर्ने क्रम सुरु भएको हो ।
एआईजी विश्वराज पोखरेलले वरिष्ठताका आधारमा आईजीपी नियुक्ति नगरी कनिष्ठलाई गरिएकाले सरकारको निर्णय रद्द गर्न र आफूलाई आईजीपी नियुक्ति गर्न उत्प्रेषणको आदेश माग गर्दै गएको बैशाख २२ गते सर्वोच्च अदालतमा रिट दर्ता गरेका थिए ।
- लोकतन्त्रलाई सिध्याउन निरङ्कुश प्रवृत्तिहरु बढ्दै गइरहेका छन् : महासचिव गुरुङ
- राजतन्त्र र प्रजातन्त्र सँगसँगै जान सक्दैनन्,गणतन्त्र हरेक किसिमले उत्तम छ : उपमहासचिव ज्ञवाली
- चलचित्रका माध्यमबाट बालविवाह रोक्नुपर्छ : अध्यक्ष मगर
- २१ औं शताब्दीमा क्रुर नरसंहार हुनु लज्जाको विषय : पूर्वप्रधानमन्त्री भट्टराई
सम्बन्धित समाचार
प्रतिक्रिया