लागुऔषध ओसारपसारमा समातिए सशस्त्र प्रहरी
२३ साउन २०७९ १९:०९
कैलालीमा डेढ किलो लागुऔषध चरेससहित सशस्त्र प्रहरीका एक जवान पक्राउ परेका छन् । सशस्त्र प्रहरी गण बनबेहडामा कार्यरत प्रहरी जवान गणेशप्रसाद जोशीलाई चरेससहित पक्राउ गरिएको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक बेदप्रकाश जोशीले जानकारी दिए ।
बझाङको दुर्गाथली घर भएका जोशी धनगढी उपमहानगरपालिका–२, ट्राफिक चोकबाट सोमबार दिउँसो पक्राउ परेका हुन् ।
जिल्ला प्रहरी कार्यालयबाट सादा पोसाकमा खटिएको टोलीले शंका लागी चेकजाँच गर्दा उनको साथबाट एक किलो पाँच सय ग्राम लागुऔषध बरामद भएको प्रहरीले जनाएको छ ।
सम्बन्धित समाचार
प्रतिक्रिया