प्रहरी कर्मचारीलाई आईजीपी सिंहको निर्देशन– ‘सबैलाई कानूनी राज्यको प्रत्याभूति हुनेगरी काम गर्नू’

नेपाल प्रहरीका महानिरीक्षक धीरजप्रताप सिंहले निर्वाचनलाई निष्पक्ष र भयरहित वातावरणमा सम्पन्न गर्न नेपाल प्रहरी लाग्ने बताएका छन् । नेपाल प्रहरी शिक्षालय भरतपुरको प्रहरी सहायक निरीक्षक आधारभूत तालिमको दीक्षान्त समारोहलाई सम्बोधन गर्दै उनले निर्वाचन लोकतन्त्रको सुन्दर पक्ष भएको भन्दै शान्तिपूर्ण रूपमा सम्पन्न गर्न आ–आफ्नो ठाउँबाट लाग्न निर्देशन दिए ।

आम नागरिकलाई कानूनी राज्यको प्रत्याभूति दिलाउने गरी काम गर्न निर्देशन दिँदै उनले आम प्रहरीले आचरण, इमानदारिता र निष्ठामा ख्याल गर्नुपर्ने बताए । आईजीपीको कार्यालयमा पाँच सय एक दीक्षित भएका थिए ।

हरेक अवस्थामा सम्यमता अपनाएर काम गर्नुपर्ने भन्दै उनले कर्तव्यनिष्ठ भएर कार्य क्षेत्रमा लाग्नुपर्छ भने । हरेक काम कारबाही व्यावसायिक, पारदर्शी र नागरिकका पक्षमा हुनुपर्ने भन्दै उनले सबैको भरोसा र आशाको केन्द्र प्रहरी बन्नुपर्ने बताए । सो अवसरमा तालिम संयोजक प्रहरी उपरीक्षक प्रकाश मल्लले तालिमसम्बन्धी प्रतिवेदन पेस गरेका थिए ।

शिक्षालयका निर्देशक प्रहरी नायब महानिरीक्षक सन्दीप भण्डारीले दीक्षित भएका प्रहरी नायब निरीक्षकलाई शपथ ग्रहण गराएका थिए ।

 

प्रतिक्रिया

Leave a Reply

Your email address will not be published. Required fields are marked *

ताजा खबर