चियापान गरेर कांग्रेसकाे संस्थापन पक्षलाई इतर पक्षको खबरदारी
१३ असोज २०७९ १२:५८
नेपाली कांग्रेसको शेखर कोइराला पक्षले चियापान कार्यक्रम गरेको छ । बिहीबार काठमाडौंस्थित एक होटलमा कोइराला पक्षधरका नेताहरूले चियापान र दशैं, तिहार विशेष शुभकामना आदानप्रदान कार्यक्रम गरेका हुन् ।
कोइराला पक्षको खबरदारी अभियानद्वारा आयोजित चियापान कार्यक्रममा पार्टी महामन्त्री गगनकुमार थापादेखि अर्जुननरसिंह केसी, चन्द्र भण्डारीलगायतका नेताहरू उपस्थित थिए । कोइराला पक्षले पार्टीको आन्तरिक एकता, समान अवसर र न्याय हुनुपर्ने माग राख्दै आएको छ ।
कोइराला पक्षधरले प्रधानमन्त्री एवं पार्टी सभापति शेरबहादुर देउवाले एकलौटी रूपमा समानुपातिकतर्फको बन्दसूची आयोगलाई बुझाएको आरोप लगाउँदै समुचित न्याय हुनुपर्ने माग राख्दै आएको छ । आगामी मंसिर ४ गते हुने प्रतिनिधि सभा र प्रदेश सभा निर्वाचनको सिट बाँडफाँटमा सम्मानजनक रूपमा टिकट पाउनुपर्ने माग गर्दै आएको शेखर पक्षले बुधबार पार्टी केन्द्रीय कार्यालय सानेपामा धर्ना दिएको थियो ।
पार्टी समितिहरूमा सम्मानजनक स्थान नपाएको भन्दै शेखर पक्षले विभिन्न कार्यक्रम गरी विरोध जनाउँदै आइरहेको छ । कोइराला पक्षले चियापान कार्यक्रमलाई पनि विरोधकै कार्यक्रमको रूपमा लिएको छ ।
- खेलकुद र युवाहरुमा नयाँ युगको शुरुवात भयो : मन्त्री श्रेष्ठ
- खिम्ती जलविद्युत आयोजना प्राधिकरणको स्वामित्वमा आएपछि रामेछाप र दोलखाले शेयर पाउँछन् : कुलमान घिसिङ
- आयोजना बनाउँदा आवश्यक जग्गामा हकबन्दी लाग्ने कानूनी प्रावधान छैन : ऊर्जामन्त्री बस्नेत
- अर्थतन्त्र सुधार्न सरकार गम्भीर छ, निजी क्षेत्रसँग सहकार्य गर्छाैं : प्रधानमन्त्री
सम्बन्धित समाचार
प्रतिक्रिया