संक्रमणकालीन न्याय तार्किक निष्कर्षमा पुर्याउन कांग्रेस–माओवादी मिल्न जरुरी : वर्षमान पुन
२९ असोज २०७९ १७:३६
नेकपा (माओवादी केन्द्र) का नेता वर्षमान पुनले लामो समयदेखि थाँती रहेको सङ्क्रमणकालीन न्यायलाई तार्किक निष्कर्षमा पुर्याउन कांग्रेस–माओवादी मिल्न आवश्यक रहेको बताएका छन् ।
शनिबार गठबन्धन दलले रोल्पा सदरमुकाम लिवाङमा आयोजना गरेको पत्रकार सम्मेलनमा उनले शान्ति प्रक्रियाका मुख्य दुई साझेदार कांग्रेस र माओवादीको सहकार्यबिना शान्ति प्रक्रियाको बाँकी काम पूरा नहुने बताए ।
गठबन्धन हुन्छ कि हुँदैन भन्ने अन्योलका बीच देशका सबै निर्वाचन क्षेत्रमा गठबन्धन गर्न सफल भएको उनको भनाइ थियो । उनका अनुसार देशभर करिब दुई सय ठाउँमा बागी उम्मेदवारी रहेकामा अहिले सो सङ्ख्या १० मा झरेको छ ।
रोल्पा प्रदेश सभा–२ मा गठबन्धनका आधिकारिक उम्मेदवारविरुद्ध परेको बागी उम्मेदवारीका विषयमा उनले भने, “गठबन्धनको मर्म बुझेर उहाँ पछि हट्ने विषयमा सकारात्मक हुनुहुन्छ ।”
पत्रकार सम्मेलनमा वाम–लोकतान्त्रिक गठबन्धनको बैकठले गरेका निर्णय पनि सार्वजनिक गरिएको थियो ।
- नक्कली भूटानी शरणार्थी प्रकरण : आङटावा शेर्पालाई ३० लाख धरौटीमा छोड्न सर्वोच्चको आदेश
- कतारसँगको श्रम सम्झौता पुनरावलोकन गर्न बाँकी रहेकाले अमिरको भ्रमणमा सम्झौता हुन सकेन : राजदुत ढकाल
- दुई मिनेट ४४ सेकेन्डमा श्रम स्वीकृति दिइरहेको मन्त्री अर्यालको दाबी
- निजी क्षेत्रको मनोबल उकास्न सरकारले महत्वपूर्ण निर्णय गर्छ : अर्थमन्त्री पुन
सम्बन्धित समाचार
प्रतिक्रिया