एकैदिन ताेलामा १४ सय रूपैयाँले बढ्याे सुनकाे मूल्य, कतिमा हुँदैछ काराेबार ?

सुनचाँदी बजारमा आज छापावाल सुनको मूल्य प्रतितोला एक हजार चार सय रूपैयाँले बढेको छ । अघिल्लो दिन प्रतितोला ९४ हजार रूपैयाँमा कारोबार भएको सुनको मूल्य आज प्रतितोला ९५ हजार चार सय रूपैयाँ तोकिएको छ ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला ९४ हजार नौ सय रूपैयाँ छ । यसको मूल्य अघिल्लो दिन प्रतितोला९३ हजार पाँच सय रूपैयाँ थियो ।

त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला ३० रूपैयाँले बढेर एक हजार दुई सय ९५ रूपैयाँ पुगेको महासङ्घले जनाएको छ । महासङ्घले अन्तर्राष्ट्रिय बजारको सुन तथा चाँदीका कारोबार मूल्यका आधारमा यहाँ दैनिक मूल्य तोक्दै आएको छ ।