कांग्रेस र एमाले मिलेर सरकार बनाए मुलुकमा स्थिरता कायम हुन्छ : राजेन्द्र लिङ्देन
७ पुष २०७९ १६:११
राष्ट्रिय प्रजातन्त्र पार्टीका अध्यक्ष राजेन्द्र लिङ्देनले नेपाली कांग्रेस र नेकपा एमाले मिलेर सरकार बनाए मुलुकमा स्थिरता कायम हुने बताएका छन् ।
बिहीबार प्रतिनिधि सभा सदस्यको शपथग्रहणपछि संघीय संसद् भवनबाहिर सञ्चारकर्मीहरूसँगको कुराकानीमा उनले यस्तो बताएका हुन् ।
उनले अहिलेको गठबन्धनले सरकार बनाए पनि आफू प्रतिपक्षमा बसेर जनताका कामहरु गर्न तयार रहेको बताए । उनले पार्टीले सोचेजस्तो सिट अझै ल्याउन नसकेको पनि बताए ।
उनले सरकार निर्माण र मन्त्रीका लागि मात्रै अकारण आफू सरकारमा नजाने बताए । अध्यक्ष लिङ्देनले अबको सरकार हिजोको सरकारजस्तो बन्न नहुने भन्दै जनमुखी काम गर्ने सरकारको आवश्यकता बताए ।
अध्यक्ष लिङ्देनले सुशासन, सेवा प्रवाहका हिसाबले आउने सरकारले फरक ढंग काम गरे मात्रै आफ्नो समर्थन रहने बताए ।
सम्बन्धित समाचार
प्रतिक्रिया