कृषि अनुदानबारे बजेट : ‘उत्पादन साथमा, अनुदान हातमा’

सरकारले कृषि क्षेत्रमा दिँईदै आएको अनुदानलाई उत्पादनमा आधारित बनाउने भएको छ। सोमबार अर्थमन्त्री डा. प्रकाशशरण महतले प्रस्तुत गरेको आगामी आर्थिक वर्षको बजेटमा सो कुरा उल्लेख गरिएको हो।

‘उत्पादन साथमा, अनुदान हातमा’ भन्ने नाराका साथ कृषि अनुदानलाई उत्पादनमा आधारित बनाइने अर्थमन्त्री महतले बताए। उनले कृषि अनुदानलाई व्यवस्थित र पारदर्शी बनाउन आगामी साउन महिनाभित्र नयाँ मापदण्ड र कार्यविधि तर्जुमा गरी कार्यान्वयनमा ल्याउने प्रतिबद्धतासमेत व्यक्त गरे।

बजेटमा कृषि अनुदान सदुपयोग नभएको भन्ने आम गुनासोलाई सम्बोधन गर्न सो मापदण्ड बनाउने कार्यक्रम तय गरिएको पनि स्पष्ट पारिएको छ। बजेटमा कृषि उत्पादन वृद्धिमा जोड दिने पनि भनिएको छ।