एनपिएलमा आज पनि दुई खेल हुँदै
२३ मंसिर २०८१ ७:४७
काठमाडौंमा जारी नेपाल प्रिमियर लिग (एनपिएल) क्रिकेट प्रतियोगितामा आज आइतबार पनि दुई खेल हुने भएका छन् ।
पहिलो खेल बिहान ९ः १५ बजे र दोस्रो खेल दिउँसो १ः१५ बजेदेखि हुनेछ । दिनको पहिलो खेलामा लुम्बिनी लायन्सले जनकपुर बोल्ट्सको सामना गर्नेछ ।
लुम्बिनीले जारी एनपिएलमा एक खेल पनि जित्न सकेको छैन । जनकपुर भने अपराजित टोली हो । लुम्बिनीले तीन खेलमा लगातार हार ब्यहोर्दा जनकपुरले लगातार जीत निकालेको छ।
आइतबारको खेल हारेको खण्डमा लुम्बिनीको प्लेअफ यात्रा कठिन हुनेछ । बुधबार पहिलो खेल खेलेको लुम्बिनीले शुक्रबार, शनिबार क्रमशः दोस्रो र तेस्रो खेल खेलेको थियो । दिनको दोस्रो खेलमा अर्को अपराजित टोली सुदूरपश्चिम रोयल्सले चितवन राइनोजको सामना गर्नेछ ।
शनिबार भएका खेलमा सुदूरपश्चिमले लुम्बिनी र कर्णाली याक्सले विराटनगर किंग्सलाई पराजित गरेका थिए ।
सम्बन्धित समाचार
प्रतिक्रिया