रविसहित चार जनालाई थुनामै राख्न माग गर्दै पाटन उच्च अदालतमा निवेदन
२९ माघ २०८१ १३:३०
राष्ट्रिय स्वतन्त्र पार्टीका सभापति रवि लामिछानेलाई थुनामै राख्न माग गर्दै जिल्ला सरकारी वकिल काठमाडौंले मुद्दा दायर गरेको छ ।
कालिमाटीको स्वर्णलक्ष्मी सहरीको रकम ठगीका प्रतिवादी रविसहित ४ जनालाई धरौटीमा छाड्ने काठमाडौं जिल्ला अदालतको आदेश त्रुटिपूर्ण भएको दाबी गर्दै सरकारी वकिल कार्यालयले सोमबार उच्च अदालत पाटनमा मुद्दा दायर गरेको हो ।
उच्च सरकारी वकिल कार्यालयका प्रमुख शंकर खत्रीले लामिछानेसहित ४ जना प्रतिवादीलाई थुनामै राख्नुपर्ने माग गर्दै एक साताअघि आएको निवेदन अध्ययन गरेर सोमबार दर्ता गरिएको जानकारी दिए ।
निवेदनमा धरौटीमा छुटेका रवि लामिछाने, नेपाल प्रहरीका पूर्वडीआईजी छविलाल जोशी, स्वर्णलक्ष्मी सहकारीको लेखा समिति सदस्य सुनिता नेवा र सञ्चालक समिति सदस्य कमल लामालाई थुनामै राख्नुपर्ने माग गरिएको छ ।
उनीहरू सबैलाई काठमाडौं जिल्ला अदालतले धरौटीमा छाड्न आदेश दिएको थियो । अदालतको आदेशपछि उनीहरू सबै धरौटी बुझाएर रिहा भएका थिए ।
- सामूहिक भावना र एकताका साथ राष्ट्र र नागरिक सेवामा समर्पित हुन जरूरी : प्रहरी महानिरीक्षक थापा
- तनहुँमा ६ आधारभूत स्वास्थ्य केन्द्र निर्माणका लागि मन्त्रालयले पठायो बजेट
- यी हुन् सशस्त्र प्रहरी महानिरीक्षक कप अन्तर्गत मंगलबार सम्पन्न खेल
- सल्लाह गरेरै डण्डि र सिमेन्ट व्यवसायीहरुले निर्माण व्यवसायमा सिन्डिकेट लगाउन खोजे : रवि सिंह
सम्बन्धित समाचार
प्रतिक्रिया