बीपी राजमार्ग पूर्ण रूपमा सञ्चालनमा आयो
३० वैशाख २०८२ १४:०२
अविरल वर्षाका कारण हिजो (सोमबार) रातिदेखि अवरुद्ध भएको बीपी राजमार्ग पूर्ण रूपमा सञ्चालनमा आएको छ ।
केहीबेर अघिबाट राजमार्ग दुईतर्फी सञ्चालनमा आएको इलाका प्रहरी कार्यालय मंगलटारले जनाएको छ ।
बीपी राजमार्गको माम्तीस्थित रोशी खोलाको बाढीले सोमबार राति डाइभर्सन बगाएको थियो ।
बगाएको डाइभर्सन पुरिएको र खोला डाइभर्ट गरिएको प्रहरीले जनाएको छ ।
बिहानै ८ बजेदेखि सडक विभागको ४ वटा जेसीबी, ५ वटा टिपर लगेर कल्भर्टहरू बगाएको ठाउँमा फिलिङ गरिएको थियो । अहिले सडक पूर्ण रूपमा सञ्चालनमा आएको छ ।
पूर्वबाट आइरहेको सवारीलाई खुर्कोट र नेपाल थोकमा तथा काठमाडौँबाट पूर्व गइरहेका गाडीलाई भकुण्डेबेसीमा रोकिएको थियो ।
अहिले रोकिएका सवारीहरू बिस्तारै सञ्चालनमा ल्याइएको हो ।
सम्बन्धित समाचार
प्रतिक्रिया