नेपाली सेना कुनै पनि सैन्य गठबन्धनको हिस्सा बन्न अनिच्छुक, एसपीपी सम्झौता नगर्न राजनीतिक नेतृत्वलाई सुझाव

सौन्दर्य प्रतियोगितामा सहभागी भएकी एक किशोरीमाथि यौनहिंसाको मामिलामा पक्राउ परेका मनोज पाण्डेविरुद्ध बुधबार दुई अभियोगमा मुद्दा दायर भएको छ ।

सरकारी वकिलको कार्यालयले बुधबार पाण्डेविरुद्ध जिल्ला अदालत काठमाडौंमा यौन दुर्व्यवहार र मानव बेचविखनको दुईवटा अभियोगमा मुद्दा दर्ता गरेको हो ।

दोषी ठहर भएमा यौन दुर्व्यवहारमा तीन वर्ष र मानव बेचविखनमा १५ वर्षसम्म कैद सजाय हुने कानुनी व्यवस्था छ।

सुन्दरी प्रतियोगिताको आडमा आफूमाथि यौन दुर्व्यवहार भएको भन्दै भिडिओ सार्वजनिक गरेकी किशोरीले गत सोमबार मानव बेचबिखनको कसुरमा जाहेरी दिएकी थिइन् ।

उनले आफूमाथि यौन हिंसा भएको भन्दै सार्वजनिक गरेको भिडियो सामाजिक सञ्जालहरुमा भाइरल भएको थियो ।

त्यसपछि परेको दबाबबीच पाण्डे पक्राउ परेका थिए । जबरजस्ती करणीको एक वर्षे हदम्याद कटेका कारण पाण्डेविरुद्ध प्रहरीले मानव बेचबिखनको कसुरमा अनुसन्धान अघि बढाएको थियो ।

मानव बेचविखन तथा ओसारपसार नियन्त्रण ऐन अनुसार अदालतले म्याद लिनुपूर्व पीडितलाई अदालतमै उपस्थित गराएर बयान गराउनुपर्ने व्यवस्था छ।

पाण्डेविरुद्धको कसुरमा पनि मुख्य प्रमाण नै पीडितको बयान मानिएको छ । घटना ८ वर्ष पहिलेको भएकाले यो घटनामा प्रहरीले लामो अनुसन्धानपछि मिसिल सरकारी वकिललाई बुझाएको थियो ।

प्रतिक्रिया

Leave a Reply

Your email address will not be published. Required fields are marked *

ताजा खबर