![Pardafas.com](https://www.pardafas.com/wp-content/uploads/2022/06/pardafas-logo.png)
घुमुवा प्रहरी हुँ भन्दै धम्क्याउने युवक पक्राउ
![clock](https://www.pardafas.com/wp-content/themes/pardafas/assets/img/clock-icon.png)
![घुमुवा प्रहरी हुँ भन्दै धम्क्याउने युवक पक्राउ](https://www.pardafas.com/wp-content/uploads/2022/06/Arrest.jpg)
नेपाल प्रहरीको घुमुवा प्रहरी हुँ भन्दै सर्वसाधारणलाई धम्क्याएको आरोपमा रौतहटबाट एक युवक पक्राउ परेका छन् ।
प्रहरीका अनुसार पक्राउ पर्नेमा चन्द्रपुर नगरपालिका–९ सिन्धुरेघारी टोल बस्ने ३२ वर्षीय सुमन बस्नेत छन् ।
चन्द्रपुर नगरपालिका–४ स्थित राजमार्गका यात्रुलाई, सोही ठाउँस्थित चोकमा मानिसलाई र स्थानीय होटलमा एक व्यक्तिले अनावश्यक हैरानी दिइरहेको भन्ने सूचनाका आधारमा ईलाका प्रहरी कार्यालय चन्द्रपुरबाट खटिएको प्रहरीले उनलाई पक्राउ गरेको हो ।
उनीमाथि अभद्र व्यवहार शीर्षक मुद्दामा जिल्ला प्रशासन कार्यालयबाट ६ दिनको म्याद थप गरी आवश्यक अनुसन्धान भइरहेको प्रहरीले जनाएको छ ।
प्रतिक्रिया