विमानस्थल निर्माणस्थलको अवलोकन गर्न प्रधानमन्त्रीसहित सत्तारुढ दलका शीर्ष नेता निजगढमा

प्रधानमन्त्री शेरबहादुर देउवासहित सत्तारुढ दलका शीर्ष नेताहरू बाराको निजगढ पुगेका छन् । प्रस्तावित निजगढ अन्तर्राष्ट्रिय विमानस्थल निर्माणस्थलको अवलोकन गर्न नेताहरु बारा पुगेका हुन् ।

प्रधानमन्त्रीको सचिवालयका अनुसार टोलीमा नेकपा माओवादी केन्द्रका अध्यक्ष पुष्पकमल दाहाल प्रचण्ड, नेकपा एकीकृत समाजवादीका अध्यक्ष माधवकुमार नेपाललगायत नेता छन् । सरकारी टोलीले विमानस्थल निर्माणस्थल र हालसम्मको प्रगतिबारे जानकारी लिने जनाइएको छ ।

हालै मात्र सर्वोच्च अदालतको सार्वजनिक पूर्णपाठका अनुसार पर्यावरणीय अवस्थालाई ध्यानमा राखेर मात्र निजगढ विमानस्थल बनाउन आदेश दिइएको छ । अहिलेसम्मका सबै प्रक्रिया खारेज गरे पनि सर्वोच्चले विज्ञको टोली बनाएर अरु विकल्पमाथि अध्ययन गर्न भनेको छ ।

यद्यपि, सरकारले भने आगामी आर्थिक वर्षको बजेटमा विमानस्थल निर्माणका लागि बजेट छुट्याएको छ । सत्तारुढ दलका सबै नेताहरु निजगढमा विमानस्थल बनाउनुपर्नेमा एकमत छन् ।

प्रतिक्रिया

Leave a Reply

Your email address will not be published.

ताजा खबर