काठमाडौंको केएमसी स्कुलमा कार्यरत युवती मृत फेला

काठमाडौंको बुद्धनगरस्थित केएमसी विद्यालयमा कार्यरत एक युवती मृत फेला परेकी छन् । काभ्रेको रोसी गाउँपालिकाकी २० वर्षीया रमा रायमाझी शनिबार राति झुन्डिएको अवस्थामा फेला परेको जिल्ला प्रहरी परिसर काठमाडौंले जनाएको हो ।

रायमाझी डेढ वर्षदेखि स्कुलको होस्टलको क्यान्टिनमा काम गर्दै आएकी थिइन् । हत्याको आशंकामा परिवारले युवतीको शव उठाउन दिएका छैनन् । मृतकका बुबाआमा स्कुलमा आइपुगेका छन् ।

प्रहरीले घटनास्थलमा कडा सुरक्षा दिइरहेको छ । विद्यालय, प्रशासन र मृतकका परिवारबीच वार्ताको तयारी भइरहेको छ । प्रहरीले थप अनुसन्धान थालिएको जनाएको छ ।