कांग्रेस पदाधिकारी बैठकमा देउवा नजाने

नेपाली कांग्रेसका सभापति एवं प्रधानमन्त्री शेरबहादुर देउवा मंगलबार बस्ने कांग्रेस पदाधिकारी बैठकमा सहभागी नहुने भएका छन् ।

व्यस्तताका कारण देउवा बैठकमा उपस्थित हुन नसक्ने बताइएको छ । बैठकको नेतृत्व कांग्रेस उपसभापति पूर्णबहादुर खड्काले गर्नेछन् । कांग्रेस मंगलबार दिउँसो १ बजे बस्नेगरी केन्द्रीय कार्यालय सानेपामा बैठक बोलाएको छ ।

बैठकमा कांग्रेसका भ्रातृ र शुभेच्छुक संस्थाका विधानको टुंगो लगाउने, मुलुकको समसामयिक राजनीतिलगायत विषयमा छलफल हुने कांग्रेस केन्द्रीय कार्यालयका मुख्यसचिव कृष्णप्रसाद पौडेलले जानकारी दिए । बैठकमा आउँदो निर्वाचनको तयारीका विषयमा पनि छलफल हुने बताइएको छ ।

कांग्रेसले गएको स्थानीय तहको निर्वाचनको समीक्षा र विविध विषयमा छलफल गर्न यही असार २७ गते केन्द्रीय कार्यसमितिको बैठकसमेत बोलाएको छ ।

प्रतिक्रिया

Leave a Reply

Your email address will not be published.

ताजा खबर