गाडेको अवस्थामा भेटिएकी बालिकाको पहिचान खुलेन, सहयोग गर्न प्रहरीको आग्रह
२५ असार २०७९ १७:०६
सर्लाहीको ईश्वरपुर नगरपालिका १३ स्थित सागरनाथ जंगलमा गत सोमबार साँझ गाडेको अवस्थामा फेला परेको अन्दाजी १८ महिने बालिकाको शवको पहिचान खुल्न सकेको छैन ।
सागरनाथ गाउँबाट श्रीनगरतर्फ जाने सडकदेखि केही भित्र सागरनाथ वन परियोजनाको जंगलमा टाउको मात्रै देखिने गरी खाल्डो खनी परिएको अवस्थामा अन्दाजी १८ महिने बालिकाको शव फेला परेको थियो ।
इलाका प्रहरी कार्यालय केशरगन्जले आफ्नो गाउँ टोलमा उल्लेखित हुलिया भएको बालिका हराएको सम्बन्धमा कुनै जानकारी भए नजिकैको प्रहरी कार्यालयमा खबर गर्न आग्रह गरेको छ ।
बालिकाको हुलिया–
१) कार्टुन पात्र मोटु पत्लुको तस्बिर अंकित पिंक कलरको हाफ बाउला भएको गन्जी लगाएको
२) निलो जिन्स पाइन्ट लगाएको
सम्बन्धित समाचार
प्रतिक्रिया