चिनियाँ कम्युनिष्ट पार्टीका नेता लिउ र प्रधानमन्त्री देउवाबीच भेटवार्ता

चिनियाँ कम्युनिस्ट पार्टी (सीपीसी) का विदेश विभाग प्रमुख लिउ जियानचाओले आइतबार प्रधानमन्त्री शेरबहादुर देउवासँग भेटवार्ता गरेका छन् ।

चारदिने भ्रमणका लागि आइतबार काठमाडौं आइपुगेका लिउले प्रधानमन्त्रीसँग पहिलो भेट गरेका हुन् । प्रधानमन्त्री निवास बालुवाटारमा उक्त भेटवार्ता भएको हो ।

चिनियाँ कम्युनिष्ट पार्टीका वरिष्ठ नेता लिउ काठमाडौंमा, यस्ताे छ भ्रमण तालिका

प्रधानमन्त्रीसँगको भेटपछि चिनियाँ नेता जियानचाओले परराष्ट्रमन्त्री नारायण खड्कासँग भेटवार्ता गर्नेछन् । परराष्ट्रमन्त्री खड्काले जियानचाओको सम्मानमा होटल मेरियटमा रात्रीभोज आयोजना गरेका छन् ।

उनले जिम्मेवारी सम्हाले लगत्तै नेपाल भ्रमण गर्नु र यहाँको शीर्ष राजनीतिक नेतृत्वसँग संवाद गर्नुलाई चीनले नेपाललाई प्राथमिकता दिएको रूपमा हेरिएको छ ।

गत जुनमा सीपीसीको विदेश विभाग प्रमुखको जिम्मेवारी सम्हालेपछि उनले आफ्नो पहिलो विदेश भ्रमण नेपालबाट सुरु गरेका हुन् । उनले नेपाल आउनुअघि नेकपा एमाले अध्यक्ष केपी ओली, माओवादी केन्द्रका अध्यक्ष पुष्पकमल दाहाल प्रचण्ड र परराष्ट्रमन्त्री खड्कासँग भर्चुअल संवाद गरेका थिए ।

भ्रमणका क्रममा जियानचाओले राष्ट्रपति विद्यादेवी भण्डारी, एमाले अध्यक्ष ओली, माओवादी केन्द्रका अध्यक्ष प्रचण्ड, एकीकृत समाजवादीका अध्यक्ष माधव नेपाल र सम्मानित नेता झलनाथ खनालसँग भेट गर्ने कार्यक्रम छ । उनी बुधबार बिहान चीन फर्किनेछन् ।

प्रतिक्रिया

Leave a Reply

Your email address will not be published.

ताजा खबर