![Pardafas.com](https://www.pardafas.com/wp-content/uploads/2022/06/pardafas-logo.png)
श्रीलंकाली राष्ट्रपति गोटाबाया देश छाडेर भागे
![clock](https://www.pardafas.com/wp-content/themes/pardafas/assets/img/clock-icon.png)
चरम आर्थिक संकटको कारण विरोध प्रदर्शनको सामना गरिरहेका श्रीलंकाली राष्ट्रपति गोटाबाया राजपक्षे देश छाडेका भागेका छन्। श्रीलंकाली सेनाको विमान चढेर ७३ वर्षिय गोटाबाया बुधबार बिहान ३ बजे माल्दिभ्सको राजधानी माले पुगेको बीबीसीले जनाएको छ । गोटाबाया भागेसँगै श्रीलंकामा दशकौं देखि चल्दै आएको एक परिवारिक शासनको अन्त्य भएको छ ।
शनिबार हजारौं प्रदर्शनकारीहरु राजधानीको कोलम्बोस्थित सरकारी निवासमा प्रवेश गरेका थिए । त्यस यता गोताबाया लुक्दै गोप्य स्थानमा लुक्दै आएका थिए । उनले सभामुखलाई बुधबारसम्ममा पदबाट राजिनामा दिने जानकारी गराएका थिए । त्यसअघि नै गोताबाया देश छाडेर भागेका हुन् । गोटाबायाका भाई पूर्व अर्थमन्त्री बासिलले पनि श्रीलंका छाडेको समाचार छ । बासिल अमेरिका पुगेको बीबीसीले जनाएको छ ।
राष्ट्रपतिले देश छाडेर भागेको समाचार आउने वित्तिकै कोलम्बोमा भेला भएका प्रदर्शनकारीले खुशीयाली मनाएका छन् ।राजधानी कोलम्बोमा पछिल्लो प्रदर्शनहरुको केन्द्र बन्दै आएको थियो । मंगलबार साँझ देखिनै हजारौ मानिस गाले पार्कमा भेला भएर राष्ट्रपति गोटाबायाको राजिनामाको प्रतिक्षा गरिररहेका थिए ।
श्रीलंकाली जनता राजपक्षे शासन देशमा आर्थिक संकटका लागि सबैभन्दा बढी जिम्मेवारी ठानेको छ । पछिल्लो केही महिना यता चर्को संकटको सामना गरिरहेको छ । दशकौंपछि श्रीलंकाले चर्को आर्थिक संकटको सामना गरिरहेको छ । श्रीलंकाली नागरिक दैनिक विद्युत कटौति,अत्यावश्यक बस्तुहरु तेल,खानेकुरा र औषधिको अभावको सामाना गरिरहेका छन् ।
श्रीलंकामा बन्ने नयाँ प्रशासनले पक्राउ नगरोस भनेर राष्ट्रपति गोटाबाया राजिनामाको अघि नै श्रीलंका छाड्न चाहेको समाचारहरु आएका थिए । राष्ट्रपति हुँदै उनलाई गिरफ्तार गर्न सकिदैन्थ्यो ।
प्रतिक्रिया