नेपाली सेनाकी रुद्राक्षी बनिन् शान्ति मिशनमा सहभागी हुने पहिलो नेपाली महिला एमपीभी चालक
३ साउन २०७९ १६:१९
नेपाली सेनाकी सिपाही रुद्राक्षी कार्की नेपाली सेनाबाट शान्ति मिशनमा सहभागी हुने पहिलो महिला माइन प्रोटेक्टेट भेहिकल (एमपीभी) चालक बनेकी छन् ।
सैनिक परिवहनमा कार्यरत उनी युनिफिल मिशन लेवनानमा तैनाथ हुन जाने शान्ति सेना ६४ औं डफ्फामा एमपीभी सवारी चालकको रूपमा छनोट भएकी हुन् ।
२०५० साल चैत २८ गते गोरखाको आँपपीपल गाउँपालिका–५ आगेटारीमा बुबा रुद्रबहादुर कार्की र आमा मधुमाया कार्कीका सन्तानका रूपमा जन्मिएकी रुद्राक्षीले जनता उच्च माध्यमिक विद्यालय गोरखाबाट २०६५ सालमा एसएलसी उत्तीर्ण गरेकी थिइन् ।
२०६९ असार १५ गते नेपाली सेनामा प्रवेश गरेकी उनी सैन्य तालिम केन्द्र त्रिशुलीमा सैन्य आधार तालिम लिएर सैनिक परिवहन गणमा नियुक्त भएकी थिइन् ।
सम्बन्धित समाचार
प्रतिक्रिया