सिट संख्या र निर्वाचन क्षेत्र छनोटको कारणले गठबन्धन भत्किँदैन : कांग्रेस सचेतक विश्वकर्मा

सत्तारूढ नेपाली कांग्रेसका सचेतक मीन विश्वकर्माले सत्तारूढ दलहरूको नेपाली कांग्रेससँग दूरी नबढेको बताएका छन् ।

आइतबार नयाँ बानेश्वरस्थित संसद भवनमा सञ्चारकर्मीहरूसँग कुरा गर्दै कांग्रेस सचेतक विश्वकर्माले सत्तारूढ दलहरूको नेपाली कांग्रेससँग दूरी बढ्ने परिस्थिति नबनेको स्पष्ट पारेका हुन् ।

उनले पाँचदलीय गठबन्धनबाट परिणाम उपलब्धीमुलक भएको प्रतिवेदनसमेत सार्वजनिक भइसकेको उल्लेख गर्दै गठबन्धन टुट्छ कि भनेर चिन्ता गर्नुपर्ने अवस्था नरहेको बताए । सचेतक विश्वकर्माले सिट संख्याको कारणले अथवा निर्वाचन क्षेत्र छनोटको कारणले गठबन्धन नभत्किने विश्वास व्यक्त गरे ।

उनले सत्तारूढ घटकले समाजवादी केन्द्र बनाएमा राम्रो हुने टिप्पणी पनि गरे ।