![Pardafas.com](https://www.pardafas.com/wp-content/uploads/2022/06/pardafas-logo.png)
सांघाई कोअपरेसनमा नेपाल पर्यवेक्षक मुलुक बन्दै, के छ फाइदा
![clock](https://www.pardafas.com/wp-content/themes/pardafas/assets/img/clock-icon.png)
मध्य एशियाली देशहरु संस्थापक रहेको सांघाई कोअपरेसन अर्गनाइजेसन (एससीओ) मा नेपाल पर्यवेक्षक मुलुक बन्ने भएको छ। उज्वेकिस्तानको तासकन्द शुक्रबार सम्पन्न एससीओका विदेशमन्त्रीको बैठकमा नेपाललाई ‘अब्जर्भर स्ट्याटस’ दिने सहमति भएको बताइएको छ । उज्वेक विदेशमन्त्री भ्लादिमिर नोरोभले इरानलाई पूर्ण सदस्य र नेपालसहित कम्बोडिया, अजरबैजान र अर्मानियालाई पर्यवेक्षक मुलुक बनाउन लागिएको जानकारी दिएका थिए ।
चीनका स्टेट काउन्सिलर तथा विदेशमन्त्री वाङ् यी, भारतका विदेशमन्त्री एस जयशंकर, पाकिस्तानका विदेशमन्त्री बिलवाल भुट्टो, रुसका विदेशमन्त्री सेर्गेई लाभ्रोभसहित सदस्य आठौं राष्ट्रका विदेशमन्त्रीहरुको बैठकमा नेपाललाई पर्यवेक्षक बनाउने सहमति भएको हो ।
भदौको अन्त्यतिर उज्वेक शहर समरकन्दमा हुने एससीओको शिखर सम्मेलनबाट नेपाललाई यस सम्बन्धी अन्तिम निर्णय गर्ने छ ।
रुस र चीनको पहलमा ५ वटा मध्य एशियाली राष्ट्र संस्थापक सदस्य रहेको सांघाई कोअपरेसन अर्गनाइजेसन अमेरिकाको उत्तर एट्लान्टिक सन्धि संगठन (नेटो)को विस्तार रोक्नका लागि २००१ मा स्थापना गरिएको संस्था हो । तर यसमा पछि यस क्षेत्रको आर्थिक तथा सामाजिक विकासका विषयहरुलाई थप्दै विस्तार गरिएको छ ।
पछिल्लो समयमा यो भारत, पाकिस्तान र चीन जस्ता तनावपूर्ण सम्बन्ध रहेका देशहरु एकै ठाउँ ल्याउने मञ्च बन्न पुगेको छ । भारत र पाकिस्तान २०१७ मा एससीओको पूर्ण सदस्य बनेका हुन् ।
नेपाल एससीओको पूर्ण सदस्य बन्ने पक्षमा रहँदै आएको छ । यो संस्था राष्ट्र संघ, असंलग्न राष्ट्रहरुको संगठनपछि क्षेत्र, जनसंख्यासहितको विषय ठूलो बहुपक्षीय संस्थाको रुपमा रहँदै आएको छ । रणनीतिक र प्राकृतिक स्रोतले पूर्ण मध्य एशियाली देशहरुसम्म एससीओको मार्फत नेपालले सिधा सम्बन्ध बनाउन सक्छ ।
प्रतिक्रिया