स्रोत नखुलेको साढे ४९ लाख रकमसहित काठमाडौंबाट एक जना पक्राउ
१९ साउन २०७९ १२:४३
स्रोत नखुलेको साढे ४९ लाख बढी रकमसहित काठमाडौंबाट एक जना पक्राउ परेका छन् ।
गोरखा चुमनुब्री गाउँपालिका–१ घर भई काठमाडौं महानगरपालिका–६ तिनचुली बगलामार्ग बस्दै आएका २४ वर्षीय धावा घ्याल्चेन स्रोत नखुलेको नगद ४९ लाख ५० हजार ५० रुपैयाँसहित बुधबार दिउँसो पक्राउ परेका हुन् ।
काठमाडौं महानगरपालिका–६ भृकुटी चोकबाट बा.९९ प ७२०४ नम्बरको मोटरसाइकलमा सवार घ्याल्चेनलाई स्रोत नखुलेको नगद ३२ लाख ५० रुपैयाँसहित फेला पारी प्रहरी प्रभाग कपनबाट खटिएको प्रहरीले पक्राउ गरेको थियो । अनुसन्धानको क्रममा प्रहरीले उनको डेरा कोठाबाट थप १७ लाख ५० हजार रुपैयाँ फेला पारेको हो ।
उनीमाथि थप अनुसन्धान भइरहेको प्रहरीले जनाएको छ ।
सम्बन्धित समाचार
प्रतिक्रिया