![Pardafas.com](https://www.pardafas.com/wp-content/uploads/2022/06/pardafas-logo.png)
वैदेशिक रोजगार बोर्डको कार्यकारी निर्देशकमा द्वारिका उप्रेती
![clock](https://www.pardafas.com/wp-content/themes/pardafas/assets/img/clock-icon.png)
![वैदेशिक रोजगार बोर्डको कार्यकारी निर्देशकमा द्वारिका उप्रेती](https://www.pardafas.com/wp-content/uploads/2022/08/Dwarika-Upreti.jpg)
वैदेशिक रोजगार बोर्डको कार्यकारी निर्देशकमा डा. द्वारिका उप्रेती नियुक्त भएका छन् । सोमबार बसेको मन्त्रिपरिषद् बैठकले उप्रेतीलाई कार्यकारी निर्देशकमा नियुक्त गरेको हो । उनी यसअघि नेपाल खेलकुद महासंघको सचिवालय सदस्य एवं मधेस प्रदेशको इन्चार्ज थिए ।
यसअघि बोर्डको कार्यकारी निर्देशकमा राजनप्रसाद श्रेष्ठ थिए । उनको कार्यकाल सकिएपछि उप्रेतीलाई नियुक्त गरिएको हो । श्रम, रोजगार तथा सामाजिक सुरक्षा मन्त्रालयले कार्यकारी निर्देशक नियुक्तिका लागि ३ जनाको नाम सिफारिस गरेको थियो । उप्रेतीसँगै निर्मलकुमार उप्रेती र युवराज बस्नेत सिफारिस गरेको थियो ।
कार्यकारी निर्देशकका लागि आवेदन दिएकामध्ये ६ जनाले दरखास्त स्वीकृत भएको थियो । आवेदन दिएकामध्ये तोकिएको योग्यता पुगेका उम्मेदवार छनोटमा परेका थिए ।
प्रतिक्रिया