![Pardafas.com](https://www.pardafas.com/wp-content/uploads/2022/06/pardafas-logo.png)
स्रोत नखुलेको साढे ३९ लाखसहित काठमाडौंबाट एक जना पक्राउ
![clock](https://www.pardafas.com/wp-content/themes/pardafas/assets/img/clock-icon.png)
![स्रोत नखुलेको साढे ३९ लाखसहित काठमाडौंबाट एक जना पक्राउ](https://www.pardafas.com/wp-content/uploads/2022/09/Paisa-Pakrau.jpg)
स्रोत नखुलेको ३९ लाख ५० हजार ५०० रुपैयाँसहित काठमाडौंबाट एक जना पक्राउ परेका छन् । पक्राउ पर्नेमा नवलपरासीको बर्दघाट नगरपालिका वडा नं. ६ बस्ने २२ वर्षका टीकाराम भट्टराई छन् ।
उनलाई काठमाडाैंको चन्द्रागिरी नगरपालिका– २ नागढुङ्गास्थित चेकप्वाइन्टमा ड्युटीमा खटिएको प्रहरीले शुक्रबार दिउँसो साढे १२ पक्राउ गरेको हो । धादिङबाट काठमाडौं आउँदै गरेको ना. ४ ख. ९६७४ नम्बरको बसको ग्यालरीमा सवार भट्टराईले बोकेको हरियो रङको आर्मी कम्ब्याट खालको झोलामा उक्त रकम फेला परेपछि प्रहरीले उनलाई पक्राउ गरेको हो।
बरामद रकमको उनले स्रोत खुलाउन नसेकेको प्रहरीले जनाएको छ । प्रहरीले उनको साथबाट १ थान मोबाइल पनि बरामद गरेको छ । पक्राउ परेका उनीमाथि प्रहरी वृत्त थानकोटले थप अनुसन्धान गरिरहेको जनाएको छ ।
प्रतिक्रिया