![Pardafas.com](https://www.pardafas.com/wp-content/uploads/2022/06/pardafas-logo.png)
जापान पठाइदिने भन्दै ठगी गरेको अभियोगमा महिला पक्राउ
![clock](https://www.pardafas.com/wp-content/themes/pardafas/assets/img/clock-icon.png)
![जापान पठाइदिने भन्दै ठगी गरेको अभियोगमा महिला पक्राउ](https://www.pardafas.com/wp-content/uploads/2022/08/Arrested-female-file.jpg)
फाइल तस्बिर ।
जापानमा आकर्षक रोजगारीमा लगाइदिने प्रलोभनमा पारेर ठगी गरेको अभियोगमा एक जना महिला पक्राउ परेकी छन् ।
जापान पठाइदिन्छु भनी रकम ठगी गरेको अभियोगमा मोरङको रतुवामाई नगरपालिका–९ घर भई हाल ललितपुर बालकुमारी बस्ने ३८ वर्षीया मिना सुब्बालाई आइतबार प्रहरीले पक्राउ गरेको हो ।
उनले जापानको प्रतिष्ठित होटलमा मासिक ३ लाख रुपैयाँसम्म तलब हुनेगरी काममा लगाइदिने प्रलोभनमा पारी पीडितबाट १३ लाख रुपैयाँ ठगी गरेको प्रहरीले जनाएको छ । रकम लिएपछि सम्पर्कविहीन भएकी मिनालाई काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले काठमाडौं महानगरपालिका–३१ सुविधानगरबाट पक्राउ गरेको हो ।
उनलाई थप अनुसन्धान तथा कारबाहीको लागि वैदेशिक रोजगार विभाग बुद्धनगर पठाइएको छ ।
प्रतिक्रिया