![Pardafas.com](https://www.pardafas.com/wp-content/uploads/2022/06/pardafas-logo.png)
राष्ट्रिय सभा अध्यक्ष तिमिल्सिना पर्वतबाट प्रतिनिधि सभाको उम्मेदवार सिफारिस
![clock](https://www.pardafas.com/wp-content/themes/pardafas/assets/img/clock-icon.png)
![राष्ट्रिय सभा अध्यक्ष तिमिल्सिना पर्वतबाट प्रतिनिधि सभाको उम्मेदवार सिफारिस](https://www.pardafas.com/wp-content/uploads/2022/08/ganesh-prasad-timilsena-2022.jpg)
राष्ट्रिय सभाका अध्यक्ष गणेशप्रसाद तिमिल्सिना प्रतिनिधि सभा सदस्यका लागि पर्वतबाट उम्मेदवार सिफारिस भएका छन् । नेकपा (एमाले) पर्वतको मङ्गलबार सम्पन्न छैटाैं बैठकले आगामी मङ्सिर ४ गते हुन लागेको प्रदेश तथा प्रतिनिधि सभा सदस्य निर्वाचनका लागि उम्मेदवार छनोट गर्ने क्रममा तिमिल्सिनाको नाम सिफारिस गरेको हो ।
राष्ट्रिय सभामा अध्यक्ष तिमिल्सिनाको कार्यकाल अझै एक वर्षभन्दा बढी रहेको भए पनि गृह जिल्लामा प्रत्यक्ष उम्मेदवार बन्ने इच्छा देखाएमा उम्मेदवार बन्न सक्ने भन्दै बैठकमा प्रस्ताव आएपछि उम्मेदवार सिफारिस गरिएको एमाले जिल्ला सचिव गोविन्द पहाडीले जानकारी दिए ।
अध्यक्ष तिमिल्सिनासँगै एमाले पर्वतले केन्द्रीय सदस्य तथा संविधान सभा सदस्य कल्पना चापागाईं, केन्द्रीय सदस्य तथा प्रतिनिधि सभा सदस्य पदम गिरी र संविधान सभा सदस्य तथा गण्डकी प्रदेशका पूर्वमन्त्री विकास लम्सालको नाम सिफारिस गरेको छ ।
प्रतिनिधि सभाको समानुपातिकतर्फको उम्मेदवारको सूचीमा जिल्ला समन्वय समिति पर्वतका निवर्तमान प्रमुखसमेत रहेका मनोहर विश्वकर्मा पौडेलको नाम सिफारिस गरी पठाइएको छ ।
प्रतिक्रिया