जीवनबहादुर शाही कांग्रेस कर्णाली प्रदेश संसदीय दलकाे नेता चयन
८ पुष २०७९ १७:५०
फाइल।
नेपाली कांग्रेसको कर्णाली प्रदेश सभा संसदीय दलको नेतामा जीवनबहादुर शाही चयन भएका छन्। शुक्रबार दलका सांसदहरुले मुख्यमन्त्रीसमेत रहेका शाहीलाई सर्वसम्मत दल नेता चयन गरेका हुन्।
कांग्रेस कर्णाली प्रदेश समितिका प्रवक्ता दमन शाहीले दल नेतामा शाही सर्वसम्मत चयन भएको बताए। यसअघि जाजरकोटका राजीवविक्रम शाहले आफू पनि संसदीय दलको नेताको दावेदार रहेको बताएका थिए। शुक्रबार उनले पनि जीवनलाई नै समर्थन गरेको प्रवक्ता शाहीले बताए।
कांग्रेस कर्णाली प्रदेश कार्यसमितिले शनिबार दल नेता चयन गर्ने तयारी गरेको थियो। शुक्रबार अपरान्ह ३ बजेदेखि ४ बजेसम्म उम्मेदवारको मनोनयन दर्ता गर्न समय दिइएको थियो।
कर्णाली प्रदेश सभामा कांग्रेसका १४ जना सांसद छन्।
सम्बन्धित समाचार
प्रतिक्रिया