![Pardafas.com](https://www.pardafas.com/wp-content/uploads/2022/06/pardafas-logo.png)
दायित्वबाट पन्छिन नमिल्दा राजीनामा नदिएको हुँ : पर्यटनमन्त्री श्रेष्ठ
![clock](https://www.pardafas.com/wp-content/themes/pardafas/assets/img/clock-icon.png)
![दायित्वबाट पन्छिन नमिल्दा राजीनामा नदिएको हुँ : पर्यटनमन्त्री श्रेष्ठ](https://www.pardafas.com/wp-content/uploads/2022/10/Jeevanram-Shrestha-079-07-09.jpg)
संस्कृति, पर्यटन तथा नागरिक उड्डयनमन्त्री जीवनराम श्रेष्ठले सरकार आफ्नो दायित्वबाट पन्छिन नमिल्ने भन्दै चुनाव हारे पनि राजीनामा नदिएको बताएका छन् ।
शुक्रबार मन्त्रालयमा आयोजित पत्रकार सम्मेलनमा सञ्चारकर्मीहरुले राखेको जिज्ञासाको जवाफ दिँदै उनले यस्तो बताएका हुन् ।
उनले प्रतिनिधि सभा सदस्य निर्वाचन हारेपछि आफूले राजीनामा दिनका लागि प्रधानमन्त्रीलाई भेटे पनि प्रधानमन्त्रीले सरकार आफ्नो दायित्वबाट पन्छिन नमिल्ने भन्दै राजीनामा नदिन आग्रह गरेकाले आफूले राजीनामा नदिएको स्पष्ट पारे ।
उनले अहिलेको सरकार चुनावी सरकार भएकाले नैतिकवान बनेर नै अर्को सरकारलाई सत्ता हस्तान्तरणपछि बिदा हुने बताए । उनले नैतिक विषय उठाएर राजीनामा दिँदा सरकारमा आउने चापको महत्त्वलाई हेरेर आफ्नो दायित्व पूरा गरेको बताए ।
मन्त्री श्रेष्ठले चुनावी सरकारले नयाँ बन्ने सरकारलाई जिम्मेवारी हस्तान्तरण गरेपछि नै आफ्नो दायित्व पूरा हुने कुरा संविधानले परिकल्पना गरेको बताए ।
प्रतिक्रिया