प्रचण्ड प्रधानमन्त्री नियुक्त, भाेलि ४ बजे शपथ

नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ प्रधानमन्त्री नियुक्त भएका छन्। राष्ट्रपति विद्यादेवी भण्डारीले आइतबार साँझ उनलाई प्रधानमन्त्री नियुक्त गरेकी हुन् । प्रचण्डले प्रधानमन्त्रीकाे रूपमा साेमबार अपराह्न ४ बजे शपथ लिनेछन्।

आइतबार प्रचण्डले आफ्नो दल नेकपा माओवादीसँगै नेकपा एमाले, राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनता समाजवादी पार्टी, जनमत पार्टी र राष्ट्रिय उन्मुक्ति पार्टीको समर्थन सहित प्रधानमन्त्रीमा दाबी पेश गरेका थिए।

स्वतन्त्र सांसदहरू प्रभु साह, किरणकुमार साह र अमरेशकुमार सिंहले पनि उनलाई समर्थन गरेपछि २७५ सदस्यीय प्रतिनिधि सभामा प्रचण्डले १६९ सांसदको समर्थन पाएका छन्।