पोखराबाट २५ जनाको शव लिएर काठमाडौं उड्यो सेनाको हेलिकप्टर

पोखरामा आइतबार भएको यती एयरलाइन्सको विमान दुर्घटनामा निधन भएका ६९ जनामध्ये २५ को शव लिएर नेपपाली सेनाको हेलिकप्टर काठमाडौं उडेको छ। काठमाडौं ल्याइने शवमध्ये बाँकी २३ जनाको शव भने स्काइ ट्रकबाट ल्याइने जनाइएको छ।

महाराजगञ्जस्थित शिक्षण अस्पतालमा शव लगिने नेपाल नागरिक उड्डयन प्राधिकरण (क्यान)का प्रवक्ता जगन्नाथ निरौलाले जानकारी दिए। शव ल्याउनका लागि सेनाको हेलिकोप्टर सोमबारै पोखरा पुगेको थियो।

दुर्घटनामा बेपत्ता तीन जनाको खोजीकार्य आज पनि बिहानैदेखि सुरु गरिएको छ। नेपाली सेना, नेपाल प्रहरी सशस्त्र प्रहरी बल र गोताखोरसहितको टोलीले खोजीकार्य गरिरहेको क्यानले जनाएको छ।