बारामा १४ दिनका छोराको हत्या गरेर भागेका बुबा काठमाडौंबाट पक्राउ
२४ जेठ २०८० १६:५७
बारामा आफ्नै १४ दिनका छोराको हत्या गरेर फरार रहेका बुबा काठमाडाैंबाट पक्राउ परेका छन्।
देवताल गाउँपालिका-४, तिप्राडी टोलका २५ वर्षीय नुर आलम अन्सारी मंगलबार अपराह्न ५:३० बजे काठमाडौंको चन्द्रागिरी नगरपालिका-१५, ढुंगेअड्डा, पीपलबोटबाट पक्राउ परेका हुन्।
उनलाई काठमाडौं उपत्यका अपराध अनुसन्धान कार्यालयको टोलीले पक्राउ गरेको हो।
उनले जेठ १४ गते अपराह्न ५ बजे आफ्नै १४ दिनका छोराको हत्या गरेको आरोप छ।
पक्राउ परेका उनलाई अनुसन्धान तथा कारबाहीका लागि जिल्ला प्रहरी कार्यालय, बारा पठाइएको प्रहरी उपरीक्षक (एसपी) रवीन्द्र रेग्मीले जानकारी दिए।
सम्बन्धित समाचार
प्रतिक्रिया