ललिता निवास प्रकरण
भूमि व्यवस्था विभागका पूर्वमहानिर्देशक श्रेष्ठसहित मंगलबार थप चार जना पक्राउ
२६ असार २०८० २०:३१
फाइल तस्बिर।
ललिता निवासको सरकारी जग्गा हिनामिना प्रकरणमा मंगलबार थप चार जना पक्राउ परेका छन्।
पछिल्लो पटक भूमि व्यवस्था विभागका तत्कालीन महानिर्देशक रूद्रबहादुर श्रेष्ठ र भौतिक मन्त्रालयका इन्जिनियर बालकृष्ण श्रेष्ठ पक्राउ परेका हुन्।
विजयकुमार गच्छदार भौतिकमन्त्री हुँदा इन्जिनियर श्रेष्ठ उक्त मन्त्रालयमा कार्यरत थिए। बालकृष्ण श्रेष्ठलाई बबरमहल र रूद्रबहादुर श्रेष्ठलाई चाबहिलबाट पक्राउ गरिएको सीआईबीले जनाएको छ।
उनीहरूअघि मंगलबार नै तत्कालीन मालपोत कार्यालयका नायब सुब्बा योगराज पौडेल र खरिददार नारायणदास मिश्र काठमाडौंबाट पक्राउ परेका थिए।
यससँगै यो प्रकरणमा पक्राउ पर्नेको संख्या १६ पुगेको छ।
सम्बन्धित समाचार
प्रतिक्रिया