मेसी भन्छन्- अन्तर्राष्ट्रिय खेलबाट सन्यासबारे अझै सोचेको छैन

अर्जेन्टिनाका स्टार स्ट्राइकर लियोनल मेसीले अर्जेन्टिनाको राष्ट्रिय टोलीबाट अझै कति समय खेल्ने भन्नेबारे आफूलाई थाहा नभएको बताएका छन्।

गत जुनमा पेरिस सेन्ट जर्मेन (पिएसजी) बाट छुटेपछि इन्टर मियामीबाट पहिलो पटक खेल्ने तयारी गरिरहेका बेला उनकाे यो टिप्पणी आएको हो।

अर्जेन्टिनाको टेलिभिजनमा प्रसारण भएको एक अन्तर्वार्तामा ३६ वर्षीय मेस्सीले भने, ‘तार्किक रूपमा मेरो उमेरका कारण यो (सन्यास) धेरै टाढा हुने छैन। त्यो क्षण कहिले आउँछ मलाई ठ्याक्कै थाहा छैन।’

गत डिसेम्बरमा कतारमा अर्जेन्टिनालाई विश्वकप जिताएपछि मेसीले फुटबलमा आफूले आशा गरेका सबै कुरा हासिल गरेको स्वीकार गरेका थिए।

अर्जेन्टिनी कप्तान मेसीले फाइनलमा दुई गोल गरेपछि प्रतियोगिताको उत्कृष्ट खेलाडीलाई प्रदान गरिने गोल्डेन बल पनि जितेका थिए।

मेसीलाई कहिले अन्तर्राष्ट्रिय फुटबलबाट सन्यास लिनुहुन्छ भनी सोधिएको प्रश्नमा उनले भने, ‘मलाई लाग्छ, समय आएपछि यो कुरा स्वाभाविक रूपमा हुनेछ।’

मेसीले जुलाई २१ मा फोर्ट लाउडरडेलमा मेक्सिकोको व्यावसायिक फुटबल समूहविरूद्ध लिग कपमा इन्टर मियामीका लागि पहिलो खेल खेल्नेछन्।

फ्लोरिडा क्लब हाल अमेरिकी महत्त्वपूर्ण लीग फुटबलको १५ टोली पूर्वी सम्मेलनको २१ खेलबाट १८ अङ्कको साथ अन्तिम स्थानमा छ।