![Pardafas.com](https://www.pardafas.com/wp-content/uploads/2022/06/pardafas-logo.png)
बालकृष्ण खाणलाई अदालतले दोषी ठहर गरे मात्रै कांग्रेसले कारबाही गर्छ : प्रकाशमान सिंह
![clock](https://www.pardafas.com/wp-content/themes/pardafas/assets/img/clock-icon.png)
नेपाली कांग्रेसका नेता प्रकाशमान सिंहले नक्कली भुटानी शरणार्थी प्रकरणमा थुनामा रहेका पार्टी नेता बालकृष्ण खाणलाई अदालतले दोषी ठहर गरेपछि मात्रै पार्टीले काराबाही गर्ने बताएका छन्।
नेपाली कांग्रेस चितवनले आज आयोजना गरेको पत्रकार भेटघाटमा उनले आरोप लाग्दैमा कारबाही गरिहाल्नुपर्छ भन्ने नरहेको स्पष्ट पारे। उनले अहिले अदालतमा विचाराधीन रहेको मुद्दामा कांग्रेसले पहिला पनि कारबाही नगरेको भन्दै खाणको विषयमा समेत मुद्दाको फैसला आएपछि मात्रै निर्णय गर्ने बताए।
पुरानो नजिरलाई लिएर खाणलाई कारबाही नगरिएको उनको भनाइ थियो। उनले भने, ‘पहिले पनि यस्ता मुद्दामा अदालतको फैसलापछि मात्रै कारबाही गर्ने गरिएको थियो। त्यहीअनुसार अहिले कारबाही नगरिएको हो।’
कांग्रेस भ्रष्टाचारको संरक्षणमा भने नलाग्ने उनले बताए। उनले भने, ‘निष्पक्ष तवरले कानूनी राज्यको पक्षमा कांग्रेस रहेको छ।’
आफ्ना पार्टीका नेतालाई पर्दा कानून लाग्नुहुँदैन भन्ने पक्षमा कांग्रेस नरहेको उनको भनाइ थियो।
प्रतिक्रिया