विपद् व्यवस्थापनको पूर्वतयारी प्रभावकारी बनाउन प्रहरी महानिरीक्षकलाई प्रधानमन्त्रीको निर्देशन
२३ साउन २०८० १४:२६
प्रधानमन्त्री पुष्पकमल दाहाल ‘प्रचण्ड’ ले वर्षायाममा प्राकृतिक प्रकोपबाट हुन सक्ने सम्भावित क्षतिप्रति पूर्वसतर्कता अपनाउन र विपद् व्यवस्थापनको पूर्वतयारी प्रभावकारी बनाउन निर्देशन दिएका छन्।
मंगलबार बिहान प्रधानमन्त्री प्रचण्डले प्रहरी महानिरीक्षक वसन्त कुँवरलाई वर्षाका कारण विभिन्न जिल्लामा आएको बाढी–पहिरोबाट ठूलो धनजनको क्षति भएकोप्रति सचेत रहन आग्रह गर्दै उक्त निर्देशन दिएका हुन्।
प्रधानमन्त्रीले उद्धार, राहत र पुनर्स्थापनाका लागि सम्पूर्ण रूपले सक्रिय हुन निर्देशन दिएका हुन्।
गएरातिदेखि परेको भारी वर्षाका कारण देशका विभिन्न ठाउँमा मानवीय तथा भौतिक क्षति भएको छ।
प्रतिक्रिया