सीके राउत र भाजपा विदेश विभाग प्रमुख चौथाइवालेबीच भेटवार्ता

नेपालको सत्तारूढ गठबन्धन दल जनमत पार्टीका अध्यक्ष डा. सीके राउतले भारतको सत्तारूढ दल भारतीय जनता पार्टी (भाजपा) का विदेश विभाग प्रमुख डा. विजय चौथाइवालेसँग भेटवार्ता गरेका छन्।

भारत भ्रमणमा रहेका राउतले बुधबार भाजपाको पार्टी केन्द्रीय कार्यालयमा चौथाइवालेसँग भेटवार्ता गरेका हुन्।

भाजपाको विदेश विभागका अनुसार भेटमा दुई नेताबीच दुई देशबीचको द्विपक्षीय सम्बन्धलाई थप मजबुत बनाउन पार्टी-पार्टीबीचको सम्पर्क विस्तार गर्ने विषयमा छलफल भएको छ।