नेपाली खेलाडीहरु कालोपट्टी बाँधेर मैदानमा
१९ कार्तिक २०८० ११:३१
आईसीसी टी–२० विश्वकप छनोट एसिया क्षेत्रको फाइनल खेलमा नेपाली खेलाडीहरुले कालोपट्टी बाँधेर खेलेका छन् ।
जाजरकोट केन्द्र बनाएर गएको भूकम्पमा ज्यान गुमाएका तथा घाइते भएकाहरुको सम्झनामा नेपाली खेलाडीले कालोपट्टी बाँधेर खेलिरहेका हुन् । नेपाली खेलाडीहरुले मौनधारण पनि गरेका छन् ।
कप्तान रोहित पौडेलले आज (आइतबार)को फाइनल खेल भूकम्पपीडितहरुप्रति समर्पित हुने बताए। जारी खेलमा नेपाल टस जितेर ब्याटिङ गरिरहेकाे छ ।
यसअघि नेपाल क्रिकेट संघ क्यानले फाइनल खेलको टिकट बिक्रीको आधा रकम भूकम्प पीडितहरुलाई दिने निर्णय गरेको छ ।
प्रतिक्रिया