वीरगञ्जमा नक्कली नोटसहित दुई जना पक्राउ
१ मंसिर २०८० १६:४७
जिल्ला प्रहरी कार्यालय पर्साले नक्कली नोटसहित दुई जनालाई पक्राउ गरेको छ।
पक्राउ पर्नेमा वीरगञ्ज महानगरपालिका-३१ का ऋषिलाल पटेल र बाराको कलैया उपमहागरपालिका-३ का उमेश कुमार छन्।
वीरगञ्जको सिटी मार्केटमा कपडा खरिद गरेर नक्कली नोटहरू दिएको सूचना पाएपछि खटिएको प्रहरी टोलीले उनीहरूलाई पक्राउ गरेको जिल्ला प्रहरी कार्यालय पर्साका प्रवक्ता तथा सूचना अधिकारी प्रहरी नायब उपरीक्षक कुमारविक्रम थापाले जानकारी दिए।
उनीहरूको साथबाट १ हजार दरका ३८ थान नक्कली नोट फेला परेको प्रहरीले जनाएको छ। उनीहरूमाथि खोटा चलनसम्बन्धी कसुरमा थप अनुसन्धान भइरहेको थापाले बताए।
सम्बन्धित समाचार
प्रतिक्रिया