एनसेल प्रकरणमा मेरो र छोरीको नाम जोड्नु संविधान र गणतन्त्रमाथिको हमला : प्रधानमन्त्री
३ पुष २०८० २०:५३
प्रधानमन्त्री पुष्पकमल दाहाल ‘प्रचण्ड’ ले एनसेलकाे शेयर खरिद-बिक्री प्रकरणमा आफ्नो र छोरी गंगा दाहालको नाम जोड्नु वर्तमान राजनीतिक प्रणाली, संविधान र गणतन्त्रमाथिको हमला भएको बताएका छन्।
मंगलबार राज्य व्यवस्था तथा सुशासन समितिको बैठकमा सांसदहरूका प्रश्नको जवाफ दिँदै प्रधानमन्त्री दाहालले यस्तो बताएका हुन्।
उनले कतिपय मानिसहरू आफूलाई ‘ह्युमिलिएट’ र ‘डिप्रेस’ नगरेसम्म व्यवस्था उल्टिँदैन भनेर त्यही ढंगले लागेको बताए।
उनले एनसेल प्रकरणमा आफ्नो परिवारमाथि लगाइएको आरोप झुटो भएको बताए। उनले लगाइएका आरोपहरू साबित नहुने पनि बताए।
प्रधानमन्त्री दाहालले एनसेलको शेयर खरिद-बिक्री गर्नेहरूलाई आफूले चिनेको भए पनि कानुन, संविधान र प्रणालीका विरूद्धमा गए नछाड्ने बताए।
चिनेजानेको नाताले अनुहार हेरेर नबस्ने उनको भनाइ छ।
सम्बन्धित समाचार
प्रतिक्रिया