जापानमा धावनमार्गमा दुई विमान ठोक्किएर भीषण आगलागीपछि पाँच जना बेपत्ता
हानेदा विमानस्थलमा कोस्ट गार्ड र जापान एयरलाइन्सको विमानबीच ठक्कर र त्यसपछि भएको भीषण आगलागीबारे नयाँ जानकारी आएको छ।
जापानी प्रसारकहरू टीबीएस र एनएचकेका अनुसार कोस्ट गार्ड विमानमा सवार एक व्यक्ति दुर्घटना पछि भाग्न सफल भए, तर अन्य पाँच जना अझै बेपत्ता छन्।
धावनमार्गमा पार्किङ गरेको कोस्ट गार्डको विमान र जापान एयरलाइन्सको विमान एकआपसमा ठोक्किएपछि यो दुर्घटना भएको हुन सक्छ।
दुर्घटनाको समयमा जापान एयरलाइन्सको विमानमा ३ सय ७९ यात्रु सवार थिए, जसलाई सकुशल बाहिर निकालिएको थियो।
जापान एयरलाइन्सको फ्लाइट ५१६ साप्पोरो सहर नजिकैको नयाँ चितोसे विमानस्थलबाट स्थानीय समयअनुसार अपराह्न ४ बजे उडेको थियो ।
फ्लाइटराडर वेबसाइटका अनुसार यो विमान स्थानीय समयअनुसार साँझ ५:४७ मा हानेदा विमानस्थलमा अवतरण भएको थियाे।
यो दुर्घटनापछि हानेदा विमानस्थलले अहिले सबै धावनमार्ग बन्द गरेको छ।
- विपद्का लागि सातै प्रदेशमा एयर एम्बुलेन्स जरुरी छ : गृहमन्त्री लामिछाने
- एक वर्षमा विपद्बाट १ अर्ब २३ करोड रुपैयाँ बराबरको क्षति भएको सरकारको आँकलन
- पर्यटन, आइटी, जलविद्युत, सिमेन्ट र कृषि क्षेत्रलाई प्रवर्द्धन गर्नेगरी बजेट आउँछ : अर्थमन्त्री पुन
- निर्माण सामग्री सम्बन्धी विधेयकमा करिब ४ सय वटा संशोधन
प्रतिक्रिया