![Pardafas.com](https://www.pardafas.com/wp-content/uploads/2022/06/pardafas-logo.png)
‘बोक्सीको घर’ को प्रदर्शन मिति घोषणा
![clock](https://www.pardafas.com/wp-content/themes/pardafas/assets/img/clock-icon.png)
![‘बोक्सीको घर’ को प्रदर्शन मिति घोषणा](https://www.pardafas.com/wp-content/uploads/2024/02/boksiko-ghar.jpg)
अभिनेत्री केकी अधिकारीको मुख्य भूमिका रहेको नयाँ नेपाली फिल्म ‘बोक्सीको घर’ को प्रदर्शन मिति घोषणा गरिएको छ । यो फिल्म आगामी वर्षको वैशाख १४ गतेदेखि प्रदर्शनमा आउने भएको हो ।
केकीको होम प्रोडक्सनमा निर्माण भएको फिल्म वैशाखमा प्रदर्शन गर्न लागेको जानकारी दिइन् । आठ वर्षअघि मञ्चन भएको नाटक ‘बोक्सीको घर’ माथि रहेर यो फिल्म निर्माण गरिएको हो । नाटककै लेखक एवं निर्देशक सुलक्षण भारतीले यो फिल्म निर्देशन गरेका हुन् ।
फिल्ममा केकीसहित सुपला सापकोटा, श्वेच्छा राउत, सुलक्षण भारती, रमा थपलिया, सुष्मा निरौला, सबिन बास्तोला लगायतको अभिनय छ ।
महिलालाई बोक्सीको आरोप लगाई समाजले उनीहरूमाथि गर्ने शोषणको वरिपरि रहेर फिल्म निर्माण भएको हो ।
सामाजिक–थ्रिलर जनरामा निर्माण भएको फिल्मले समाजमा प्रचलित कुप्रथालाई चित्रण गर्ने केकीले बताइन् । नेपालसहित विभिन्न देशमा एकसाथ प्रदर्शनमा आउने फिल्मलाई अन्तर्राष्ट्रिय फेस्टिभलमा समेत लैजाने योजना उनको छ ।
केकी स्वयंम निर्माता रहेको फिल्मको कार्यकारी निर्माता राजकुमार घिमिरे हुन् । लोचन रिजालको ब्याकग्राउण्ड म्युजिक रहेको फिल्मलाई शिवराम श्रेष्ठले छायांकन, लोकेश बज्राचार्यले सम्पादन गरेका हुन् । टिफल्क फिल्म्सले यो फिल्मलाई वितरण गर्नेछ ।
प्रतिक्रिया