स्वतन्त्र सांसदको हैसियत दिन सांसद दीपक मनाङेले दिए निवेदन
४ चैत २०८० २१:१०
स्वतन्त्र सांसद जितेपछि नेकपा एकीकृत समाजवादी प्रवेश गरेका राजीव गुरुङ (दीपक मनाङे) ले पुनः स्वतन्त्र सांसदको हैसियत दिन गण्डकी प्रदेश सभा सचिवालयमा निवेदन दिएका छन् ।
मनाङेले विनाकारण र अनायासै केन्द्रमा फेरिरहने गठबन्धनका कारण देशमा अस्थिरता मौलाउने भन्दै आइतबार प्रदेश सभा सचिवालयमा दलीय आबद्धता त्यागबारे निवेदन दर्ता गराएका हुन् ।
मनाङे २०७९ मंसिरमा भएको निर्वाचनमा मनाङ (ख) बाट स्वतन्त्र रूपमा निर्वाचित भएका थिए । पछि नेकपा एस प्रवेश गरेका मनाङेलाई प्रदेशसभाको अभिलेख सच्याइएको थियो ।
प्रकाशित समय : १९:१२ बजे
सम्बन्धित समाचार
प्रतिक्रिया