बझाङमा एमालेका दमनबहादुर भण्डारी विजयी
१७ वैशाख २०८१ १४:००
बझाङको प्रदेश सभा सदस्यको उपनिर्वाचनमा एमाले विजयी भएको छ । एमालेका उम्मेदवार दमनबहादुर भण्डारी ११ हजार ६ सय १२ मत ल्याउँदै विजयी भएका हुन् ।
कांग्रेस उम्मेदवार अभिषेकबहादुर सिंहले ११ हजार ३ सय ४६ मत ल्याए । तेस्रो स्थानमा माओवादीका जनक बुढाले ३ हजार ८ सय ३१, चौथो स्थानमा एकीकृत समाजवादीका दिलबहादुर सिंहले २ हजार ५ सय १४ मत ल्याएका छन् ।
कांग्रेस प्रदेश सांसद पृथ्वीबहादुर सिंहको सडक दुर्घटनामा निधन भएपछि यहाँ उपनिर्वाचन भएको हो । त्यतिबेला सिंहले १७ हजार १ सय १२ मत ल्याएका थिए भने एमालेका अभिलाल ओखेडाले १३ हजार ३३६ मत ल्याएका थिए ।
हाल कांग्रेसका उम्मेदवार अभिषेक पृथ्वीबहादुरकै छोरा हुन् । उपनिर्वाचनमा ११ जना प्रतिस्पर्धामा थिए ।
सम्बन्धित समाचार
प्रतिक्रिया