वेस्ट इन्डिज ‘ए’ विरुद्ध टस हारेर पहिले बलिङ गर्दै नेपाल
२० वैशाख २०८१ १२:०३
वेस्ट इन्डिज ‘ए’ विरुद्धको चौंथो टि–२० खेलमा नेपालले टस हारेर पहिले बलिङ थालेको छ । वेस्ट इन्डिज ‘ए’ का कप्तान रोस्टन चेजले टस जितेर पहिलो ब्याटिङ गर्ने निर्णय लिएका हुन् ।
नेपालले आगामी महिना हुने टि–२० विश्वकपमा सहभागी हुने खेलाडीबाट आजको टोली तयार गरेको छ ।
आजको टोलीमा आसिफ शेख, कुशल भुर्तेल, रोहित पौडेल, कुशल मल्ल, सन्दीप जोरा, दीपेन्द्र सिंह ऐरी गुलशन झा, प्रतिश जिसी, सोमपाल कामी, अभिनाश बोहोरा र ललित राजवंशी छन् ।
यस्तै, वेस्ट इन्डिज ‘ए’ टोलीमा रोस्टन चेज (कप्तान), एलिक अथान्जे (उपकप्तान), फाबिएन एलेन, केसी कार्टी, जोनसन चार्ल्स, आन्द्रे फ्लेचर, म्याथ्यु फर्ड, ओबेद म्याककोय, गुडाकेश मोती, किमो पल र हेडन वाल्स छन् ।
सिरिजमा हाल वेस्ट इन्डिज २–१ ले अगाडि छ ।
सम्बन्धित समाचार
प्रतिक्रिया