भालुलाई हानेको गोली लागी सेनाका प्युठ घाइते
२० वैशाख २०८१ १५:१९
चितवन राष्ट्रिय निकुञ्ज तैनाथ नेपाली सेनाका प्यूठ गोली लागेर घाइते भएका छन् । नयाँ गोरख गणमा कार्यरत कुन्दन सिंह घाइते भएका हुन् ।
निकुञ्जमा तैनाथ सैनिक हवल्दार ४० वर्षीय लक्ष्मणकुमार थापालाई आज बिहान भालुले आक्रमण गरेको थियो । उनलाई बचाउन निकुञ्जको गस्ती टोलीले भालुलाई गोली हानेको थियो ।
उक्त गोली प्यूठ सिंहलाई लागेको हो । उनको दाहिने घुँडा मुनी गोली लागेको चितवन प्रहरीले जनाएको छ । भरतपुर अस्पतालमा उपचारपछि थप उपचारका लागि दुवै जनालाई छाउनी अस्पताल काठमाडौं पठाइएको छ ।
सम्बन्धित समाचार
प्रतिक्रिया