सचिवमा बढुवाका लागि यी ३ सहसचिवको नाम सिफारिस

कृषि तथा वन सेवा समूहमा रिक्त एक सचिव पदका लागि ३ जना सहसचिवको नाम सिफारिस गरिएको छ ।
लोकसेवा आयोगका अध्यक्ष माधवप्रसाद रेग्मीको अध्यक्षताको बढुवा सिफारिस समितिले दाबेदार सहसचिवको नाम सिफारिस गरेको हो ।

सिफारिसमा पर्नेमा कृषि तथा वन समूहबाट कृषितर्फका सहसचिवहरु सञ्जीवकुमार कर्ण, सबनम शिवाकोटी अर्याल र राजेन्द्रप्रसाद मिश्र छन् ।

कृषि विकास सचिव रेवतीरमण पौडेल अवकाशमा गएसँगै नयाँ सचिव नियुक्त गर्न लागिएको हो ।