इन्डियन आर्मी बनाइदिन्छु भन्दै दुई करोड ठगी गरेको अभियोगमा एक जना पक्राउ

इन्डियन आर्मी बनाइदिन्छु भनी करिब २ करोड रुपैयाँ ठगी गरेको अभियोगमा एक जना पक्राउ परेका छन्। मोरङको पथरीशनिश्चरे नगरपालिका-३ का ४३ वर्षीय नरेन्द्र पाख्रिन तामाङ पक्राउ परेका हुन्।

तामाङले करिब २५ जना व्यक्तिहरूलाई इन्डियन आर्मी बनाइदिन्छु भनी जनही ५ देखि ६ लाख रुपैयाँ उठाएर ठगी गरेको आरोप छ। उनलाई इलाका प्रहरी कार्यालय पथरीबाट खटिएको प्रहरीले आइतबार बिहान उनकै घरबाट पक्राउ गरेको हो।

यस सम्बन्धमा प्रहरीले थप अनुसन्धान भइरहेको जनाएको छ।