एमाले कर्णाली : विनाेद शाहले दावी छाेडेपछि दलकाे नेतामा यामलाल कँडेल सर्वसम्मत
१३ पुष २०७९ १५:३३
कर्णाली प्रदेश सभा एमाले संसदीय दलको नेतामा यामलाल कँडेल सर्वसम्मत चयन भएका छन् । कँडेल एमालेका स्थायी कमिटी सदस्य एवं प्रदेश इन्चार्जसमेत हुन् ।
संसदीय दलको नेतामा प्रदेश कमिटीका अध्यक्ष समेत रहेका विनोदकुमार शाहले पनि दावी गर्दै आएका थिए । अन्तिम समयमा शाह पछि हटेपछि कँडेल सर्वसम्मत रुपमा दल नेतामा चयन भएका हुन् ।
४० सदस्यीय प्रदेशसभामा एमाले १० सिटसहित तेस्रो दल हो ।
संसदीय दलको बैठकले पहिलो चरणमै एमालेको नेतृत्वमा सरकार गठनका लागि पहल गर्न समेत आग्रह गरेको कँडेलले जानकारी दिए ।
कर्णाली प्रदेशको मुख्यमन्त्रीमा माओवादी केन्द्रको पनि दाबी छ । यद्यपि एमालेले पाउने सम्भावना रहेको नेताहरु बताउँछन् ।
सम्बन्धित समाचार
प्रतिक्रिया