नेपाल र यूएईबीचको सेमिफाइनलमा ३५ सय टिकट मात्रै बेचिने
१६ कार्तिक २०८० १७:०४
आईसीसी टी-२० विश्वकप एसिया क्षेत्र छनोटको सेमिफाइनलमा नेपाल र यूएईबीच हुने खेलका लागि ३५ सय वटा मात्रै टिकट बिक्री गरिने भएको छ ।
नेपाल क्रिकेट संघ (क्यान) ले काठमाडौंको मूलपानी क्रिकेट मैदानमा शुक्रबार हुने खेलका लागि आईएमई पेबाट टिकट लिन सकिने जनाएको छ ।
३५ सयभन्दा धेरै दर्शक नअट्ने भएकाले घरमै बसेर खेल हेर्न क्यानले आग्रह गरेको छ । यस्तै क्रिकेटसँग सम्बन्धित अतिथिलाई समेत पास वितरण नगरिएकाले घरमै बसेर खेल हेर्न भनिएको छ ।
नेपाल र यूएईबीचको खेल भोलि बिहान ११ बजे सुरू हुनेछ । यो खेल जितेमा नेपालले अर्काे वर्ष अमेरिका र वेस्ट इन्डिजमा हुने टी-२० विश्वकपमा स्थान बनाउनेछ ।
बिहीबार ओमानसँगको खेलमा ५ रनले पराजित हुँदै नेपाल समूह उपविजेता बनेको छ ।
- ललितपुर मेयर कप महिला क्रिकेट : लगातार चौथो पटक एपिएफ च्याम्पियन
- सरकारले प्राथमिकताको आधारमा बजेट तय गर्नुपर्दछ : काँग्रेस नेता रिजाल
- सरकारलाई विज्ञहरुले भने– ‘पहिरोबाट वर्षेनी ३ सय नेपालीले ज्यान गुमाउँछन्, न्युनिकरणमा चासो दिँदैन’
- म ‘कम्फर्ट जोन’ भए आफैं चुनौती खडा गरेर अघि बढ्न चाहन्छुः भारतीय प्रधानमन्त्री मोदी
प्रतिक्रिया